Saturday, May 24, 2008

فكرني يا ابني ..

فكرني يا ابني ..
يوم التلات ننزل نشتري ..
شوية حاجات ..
وبالمرة نعدي نزور نينه ..
وفكرني نصلح الباب ..
ونشوف شقة ..
ف مشروع الشباب ..
بحري وبتطل علي جنينه ..
وفكرني ندفع الإيجار ..
وفلوس المدرس المكار ..
اللي عمال يضحك علينا ..
هو احنا يا ابني ..
مش كنا عبرنا وانتصرنا ..
وعدينا ..
ولا أنا كان بيتهيألي يا واد ..
معرفش يا بابا ..
هو أنا كنت معاكوا

No comments:

Follow and Subscribe

facebook
Related Posts with Thumbnails